गगन थापा माथि आक्रमण गरेको आशँकामा ३० जना पक्राउ

काठमाडौ– काठमाडौ–४ का कांग्रेस उम्मेदवार गगन थापामाथि बम आक्रमण गरेको आशंकामा नेपाल प्रहरीले उपत्यका विभिन्न स्थानबाट करिब ३० जनालाई  गिरफ्तार गरेको छ ।  महानगरीय प्रहरी परिसरका प्रहरी उपरीक्षक रामदत्त जोशीले बुढानिलकण्ठ, कालिमाटी र बालाजु क्षेत्रबाट उनीहरुलाइ पक्राउ गरिएको जानकारी दिनुभएको छ। 

आज चुनावी प्रचार अभियानमा रहेका थापालाइ लक्षित गरी सोमवार अपरान्ह बुढानिलकण्ठ नगरपालिका- २ चपलीको माटोकोलोनीमा बम आक्रमण भएको थियो । यो आक्रमणमा गगन थापा सहित उनका  दश जना सहयोगीहरु समेत घाइते भएका छन् । घाइतेमध्ये दुइजनाको अवस्था गंभिर रहेको छ । टाउकोमा चोट लागेका थापा उपचारपछि डिस्चार्ज भएका छन् । उनले आफु ठिक रहेको बताउँदै यस्ता घटना हुन नदिन सरकारको समेत गम्भीर ध्यान आकर्षण गरेका छन्।