जिम्वावेको ब्याटिङको अगाडि नेपाली बलिङ निरिह | बिशाल रनको लक्ष्य पछ्याउँदै नेपाल (लाइभ)

काठमाडौं, फागुन २० – आईसीसी एकदिवसीय विश्वकप छनोटको पहिलो खेलमा जिम्बावेले नेपाललाई ३८१ रनको विजयी लक्ष्य दिएको छ ।   यो नेपालले पाएको सबैभन्दा ठूलो विजयी लक्ष्य हो । यसभन्दा अघि सन् २०१३ मा डिभिजन ३ अन्तरगतको खेलमा नेपाललाई अमेरिकाले ६ विकेट गुमाएर ३६७ रनको टार्गेट दिएको थियो ।     टस जितेर नेपाललाई पहिले फिल्डिङको निम्तो दिएको जिम्बावेले निर्धारित ५० ओभरमा ६ विकेट गुमाउँदै ३८०रन बनाएको हो ।

घरेलु टोली जिम्बावेका लागि  सिकन्दर राजाले सर्वाधिक १२३ रन बनाए  । उनले ६६ बलमा ७ चाैका र ९ छक्काकाे मद्धतमा १२३ रन बनाएका हुन् ।  त्यस्तै ब्रेन्डन टेलरले ९१ बलमा ६ चाैका र एक छक्कासहित  १०० रन बनाए  । केमास झुवाले २३ बलमा ४१ रन बनाए  भने सोलोमन मिरेले ४१ बलमा ५२ रन बनाए ।  नेपालका लागि वसन्त रेग्मी तथा साेमपाल कामीले २-२ तथा सन्दीप लामिछाने र ललित राजवंशीले एक–एक विकेट लिए ।
लाइभ हेर्न यहाँ जानुहोस् : https://www.facebook.com/NepaliCricket.np/